Bauper, proiec por le frabiché.

Al é dagnora n pröm iade, y ara é insciö che nos de Puls sun gnüs damaná da fá n conzet de design por n setur por chël ch’i n’ân mai ciamó lauré denant: le frabiché. Tler che i un tut sö la desfida. Cun l’elm de proteziun, i cialzá da laur, y manëces grosses sunse piá ia dal inom: Bauper, l’inom che nos ti un metü al’aziënda che laora tl setur dl frabiché y che s’á spezialisé sön le tai y la foraziun dl petun. L’inom é metü adöm da “Bau” che por todësch ó dí costruziun y Per, na scortaziun dl inom dl proprietar. I sun jüs inant, cherian döta la corporate identity, meton man dal design dl logo y dal svilup dles aplicaziuns desvalies damanades. Ala fin unse ciamó cherié trëi sub-brands por l’aziënda che s’arjigna ca por n dagní  che dess ester sciöche petun – stabil y che döra.