Le Museum Ladin é promotur dla Trienala Ladina, n evënt che vëgn fat bele da vint agn incá y che tira ite artisć dles cin’ valades ladines, lapró ince chi che vir dalunc da süa ciasa nadé. Vigni ediziun ti vëgn surandada a n curadú che abina fora n tema y chir fora i artisć.
En ocajiun dl’ediziun dal titul High Five, do na seleziun tres bandida de concurs, nes él gnü dé l’inciaria da ponsé fora le conzet dles istalaziuns y da le comuniché tres i canai preodüs: catalogh, inserac, invic, bandires. Le titul é espresciun de na vijiun de lian danter les cin’ valades y i l’un rapresenté tolan ca les pezes che caraterisëia les trohts, le guant ladin tipich. Les pezes, stampades sön tapec tacá sössot, á insciö ciafé na colocaziun nöia y ti á dé vita a na mostra plëna de corú, energia, vitalité.
