Dal lëgn, l’ert dl vire bun. Nagá é n’aziënda dla Val Badia spezialisada tla proietaziun y realisaziun de aredamënc, portes y finestres de lëgn. Le lëgn é la materia pröma che caraterisëia vigni lauraziun, l’elemënt prinzipal che acompagnëia l’aziënda te so prozes d’evoluziun. Y le bun tof dl lersc, dl cier, dl aidin é sté la fontana d’ispiraziun canch’i un fat chëc proiet de comunicaziun integrada.
Mëte adöm ci che l’aziënda fej cun n conzet de esperiënzes vites é sté le punt zentral sön chël ch’i un fat rodé döta la comunicaziun, basada sön restyling dl logo, svilup de na corporate identity nöia, proietaziun y dessëgn dla plata internet, ideaziun y planificaziun dla campagna de reclam.
Da svilupé sëgns, parores y imajes statiches y dinamiches te 3d, unse orü sotrissé la ladinité y le laur d’artejanat dl’aziënda: na firma che canch’ara fej üsc, finestres y aredamënc de cualité dër alta, laora cun le lignan cun la mascima cura, avisa sciöch’ara fej cun düc sü cliënc.
Cun le claim „Dal lëgn, l’ert dl vire bun“ döt por ladin ince tles comunicaziuns por talian y todësch unse orü alzé fora sciöche le lignan sides n material vi y sensibl: na finestra, n üsc, n mebl, n funz é i elemënc che fej pert dla vita da vigni de, espresciun de na manira d’ester y spidl dla personalité de chi che i adora.
Tüa aziënda á debojëgn de n bof d’aria frësca?
Pulsëia cun nos
